ОЛОН УЛСЫН ЧАНСАА ТООЦОГДОХ ШАТРЫН НЭЭЛТТЭЙ ТЭМЦЭЭНД 144 ТАМИРЧИН ӨРСӨЛДӨЖ БАЙНА

Дорноговь аймгийн уугуул, рапид блицийн улсын аварга шалгаруулах анхдугаар тэмцээний мөнгөн медальт, олон улсын шатрын холбооны дасгалжуулагч Оргойн Батзоригийн олон улсын хэмжээний мастер цолны хүндэтгэлд зориулсан “Дорноговь мастер-2025”  олон улсын чансаа тооцогдох шатрын нээлттэй тэмцээнийг зохион байгуулж байна. Нээлтийн үйл ажиллагаанд аймгийн иргэдийн Төлөөлөгчдийн хурлын дарга Н.Алдарбаяр, аймгийн Засаг даргын Тамгын газрын дарга Б.Бат-Эрдэнэ нар оролцож ОУХ-ний мастер О.Батзоригт хүндэтгэл үзүүллээ. 

Тус тэмцээний А, В ангилалд 144 тамирчин оюун ухаанаа сорин өрсөлдөж байна.